اخبار السودان
موقع كل يوم -أثير نيوز
نشر بتاريخ: ٢٨ نيسان ٢٠٢٤
علي وراق أثير نيوز
الكاتب أنيس منصور كتب عن جلسته مع سيدة الغناء العربي أم كلثوم :
هو /ممكنه أسألك عن الموجودين دلوقتي وتقولي رأيك بصراحه
هي/بس متنشرش الكلام ده إلا بعد ما أموت وأنا هقولك عشان أنت بلدياتي
هو/ربنا يبارك في عمرك ياست
هقولك الإسم وتقوليلي المعني
_شاديه/..شاديه دي صوت مصري مالوش مثيل بنت مصريه بنت بلد كده ولازم لما تسمعها تحبها
_صباح/صباح صوت مميز بس بيضيع نفسه ولازم تجتهد لانها نجحت ولو نزلت من نظر الناس صعب ترجع تاني
_ورده/ورده دي ربنا اداها صحه في الجسم والصوت بس تحس انها معندهاش فرامل يعني لو اندمجت اوي تردح
_نجاة الصغيرة /نجاة كانت تعجبني زمان لما كانت بتختار الحان تليق علي صوتها انما دلوقتي هيه بتقبل الحان عاليه علي امكانيتها الصوتيه وهي مينفعش تعلي صوتها اصلا
_عبد الحليم حافظ / ده شخص مجتهد وزكي
_عبد الوهاب/ ده بقي بيواكب العصر جدا والحانه مميزه
_بليغ حمدي/الواد ده شيطان موسيقى وبيجيب جمل موسيقيه محدش يقدر يوصلها
_فريد الاطرش/مش عارفه ليه هو مصمم يقحم الموال اللبناني في قلب الغنوه المصريه وده بيقلب الغنوه من فوق لتحت لكن في المجمل الحانه كويسه
_رياض السنباطي/لا ده مش بيلحن كلمات الاغنيه ده بيلحن معانيها وده مش موجود في كل الموجودين
_شريفه فاضل/صوتها حلو
_فيروز/فيروز صوت مميز واحساسها الصوتي ممتاز لكن تناغم جسمها مع الغنوه صفر تحس انها تمثال جميل واقف بيغني لكن تمثال
_فايزه أحمد /أعظم صوت نسائي ينفع تفصل عليه اي لحن وهتغنيه ببراعه